*Elazığ şähärendä uzdırılğan şiğır kiçälärendä tatarça şiğırlär yañğıradı*

*http://www.lat.tatar-inform.ru/news/2009/07/02/9041/*

*http://www.lat.tatar-inform.ru/news/2009/07/02/9043/*

*http://www.tat.tatar-inform.ru/news/2009/07/02/48660/*

* *

(İstanbul, 2 iyul', “Tatar-inform”, Ruşaniä Altay). Törkiäneñ Elazığ
şähärendä 1992 yıldan birle şiğri kiçälär ütkärelep kilä. Törki dönya
şağirlären ber uçaq yanına cıyğan bu mädäni çara törki xalıqlarnıñ
tarixında, yäşäyeşendä ähämiätle urın alıp torğan Xäzär küle isemen yörtä.
Ul yıl sayın törki dönya ädäbiätın häm şiğriäten üsterügä böek xezmätläre
belän öleş kertkän törki yazuçılarnıñ yäki şağirlärneñ istälegenä bağışlana.
XV Xalıqara Xäzär şiğır kiçäläre - dönyaküläm tanılğan qırğız yazuçısı
Çıñğız Aytmatovqa, ütkän yılğısı äzerbaycan xalqınıñ böek şağire Bäxtiär
Wahapzadägä bağışlanğan bulsa, bıyıl 17нче tapqır ütkärelä torğan çara
Törkiäneñ tanılğan qaläm ostası Näcip Fazıl Qısaqüräkneñ yaktı istälegen yad
itä.
Elzığ guberniäse oyıştırğan XVII Xalıqara Xäzär şiğır kiçäläre Törkiäneñ
mädäniät häm turizm ministrlığı, TÖREKSOY oyışması, Atatörek isemendäge tel,
tarix institutı, Törkiä xezmättäşlek häm üseş idaräseneñ bulışlığı belän
tormışqa aşqan.
3 kön däwam itkän forumğa Törkiä, Qazaxstan, Qırğızstan, Törekmänstan,
Üzbäkstan, Gagauz, Qabarday-Balqar, Altay cömhuriätläre, İran, Qosowa,
Makedoniä, Mongoliä, Albaniä, Qırım, Şärqi Törkestan törek cömhuriäte kebek
illärdän yözlägän ädäbiätçı häm şağir qatnaştı. Elazığ gubernatorı Muammär
Erol, şähär merı Söläyman Sälmänoğlu häm başqa däwlät citäkçelärenıñ
çığışları belän başlanıp kitkän şiğriät bäyrämenä kilgän yözlärçä ädäbiätçı
törek bayraqları astında şiğır paradına qatnaşıp, Elazığ uramnarın uradılar.
Elazıygnıñ ber uramına Tatarstanda törek mäktäpläre oyıştıruı belän tanılğan
ğalim Turan Yazğan iseme birelüe forumnıñ ähämiäten tağın da bayıtıp
cibärde.
Forum qısalarında xäzerge çor törek ädäbiätınıñ sünmäs yoldızı märxüm Näcip
Fazıl Qısaqüräkneñ icatına bağışlanğan panel' uzdırıldı.
“Törki şiğriät häm mäcmuğaçılıq” dip atalğan ikençe paneldä törki dönyada
çığıp kilä torğan ädäbi jurnallar wä alarda basılğan şiğri äsärlär turında
süz bardı. Şiğır dönyası belän bäyle räsem kürgäzmäse täqdim itelde.

*Şiğriät kiçälärendä isä törki şağirlär üzläreneñ şiğırläre belän
urtaqlaştılar. Şul isäptän, Muğla universitetı ğalime, şağirä Çulpan Zarif-
Çetin Tatarstannı tämsil itep, tatar ädäbiätı turında çığış yasadı. Ul
kürenekle tatar şağirlären atap uzıp, kiläçäktä Xäzär şiğriät kiçäläreneñ
tatar xalıq şağire Gabdulla Tuqay istälegenä bağışlanırğa tieşlegen
assızıqladı. Şulay uq şiğriät dönyabıznıñ bügenge xaläte belän tanıştırdı.
Tuğan il, mäxäbbät belän bäyle tatarça şiğırlären söyläp kürsätte. Bügenge
köngä qadär küñel däryäsın tatar telendä genä açıp birgän Çulpan xanım
şiğırlären inde törekçä dä yaza başlağan. Ul alarnı berençe märtäbä şiğriät
kiçäsendäge tamaşaçılarğa işetterde.
*Maxsus konsert belän däwam itkän şiğriät bäyrämendä Elazığ gubernatorı
tarafınnan Turan Yazğanğa “Törki dönyağa xezmät” premiäse birelde.
Kem belä, bälki kiläçäktä mondıy maqtawlı büläkkä tatar ädäbiätçıları da
layık küreler.